港股 - 估評人

點樣投資先可以賺大錢?
一般人要持續於投資中獲利，價值投資相信係最佳答案，因為股神巴菲特就係最佳的例子。

什麼是價值投資?
分析一間企業嘅基本面，例如係盈利能力、市益率、股東報酬率、資產負債比率等等

點樣快速找到以上數據，並且比較出數據上表現最好的公司?
利用各大股票資訊平台的篩選器，都能輕鬆找出數據上表現好的公司。

利用篩選器，然後投資數據最好的幾間公司，咁簡單?
咁點解唔係每個人都賺錢?
因為有些資訊並不能夠用數據表達，例如是壟斷市場程度、政府政策、產業趨勢等等

咁我到底應該投資邊一間公司?
你應該先去深入了解一間公司，如果你覺得它好，就投資。

邊有時間呀?仲要返工呀，唔通日日去睇企業年報咩?
依個就係點解有估評人出現

巴菲特曾經講過:「如果你不是投資自己懂的東西，那只能算是賭博。」
巴菲特最出名的其中一個投資例子是可口可樂公司，而佢曾經笑言，投資可口可樂係因為佢鍾意飲，所以佢認為可口可樂公司的產品好，可以吸引消費者，有盈力能力，所以投資。

但我會諗，如果巴菲特口味特別，唔鍾意飲，會係點?如果你就係唔鍾意飲可樂既巴菲特呢?

當然，股神之所以成功，並唔係單單一兩個投資決定而達至。
但我想表達既係，我地會唔會因為我地資訊嘅貧乏、日常生活嘅限制，令我地錯失投資賺大錢的機會呢?

就連股神巴菲特都曾經話後悔冇買亞馬遜、谷歌依類科技股
點解冇買?
因為佢唔識!!

咁如果我堅守「如果你不是投資自己懂的東西，那只能算是賭博。」依句說話
我變相只可以買中電、港鐵?無錯，依2間公司都幾好，
但唔用大陸軟件的我，係唔係要同股神一樣，註定錯過曾升逾500倍的騰訊?
下一隻騰訊都冇我份?

如果唔想放過賺大錢的機會，可以做嘅就係
「將不懂的變成我懂的」
深入去了解每一隻股票，明白每一間公司的產業、運作、前景
無錯係天方夜譚，近乎無可能
但我就係想試一試

然而，估評人只係一個普通人，我並無能力去獲得內幕消息，我可以做到的就只有睇新聞、公司年報、公司網站、大行分析、產品用家評價等等等等的公開資訊，然後進行整合。

在此，估評人非常歡迎你留言及批評，因為你的留言就係我的動力，你的批評和理據，可能就係估評人/大家賺錢的機會甚至可以幫助我地避免損失。

估評人暫未定去寫邊隻股票，你的留言提議，好可能被接納，但暫時不考慮大型綜合控股企業。